Hello Dosto.. main aayi hu firse apna adhura kissa pura karne ko.. to maine aap sab ko bataya tha ki Dj se baat band kr dene k baad meri haalat kaisi thi.. abhi next suno… Dj se baat band kr dene k kuch din baad maine apna wo wala Fb id Deactivate kr dala… to ab kya tha…. Dj se kabhi bat na ho pani thi meri.. main bohat roi us din.. bohat jyada…. Aisi kisi k liye feelings mere zahan mein pahli bar aayi thin… na usse pahle or na uske baad aajtak ….kisi or k liye waisi bhawnayen ya fir tootna.. ye sabh nahi hua frnds… na-chahte huye b duyanein karne lagi… ki ek bar bas ek bar dekhna hai us insane ko jisne aisi haalat ki hai meri.. kaise b karte.. chahe khud saamne aa jaye ya fir tasvir k zariye ..bas mujhe dekhna hai usey..
Ab main kaise kahun frnds ki bhagwan humari dil se ki hui dua.. fariyaad … binti.. nahi sunte.. wo sunte hain lakin apne tarike se.. meri b suni gyi uske darbar mein… pahla id deactivate kr dene k baad.. mere kuch frnds or didi k kahne par (b’coz maine didi ko bata rakkha tha ki maine Fb id band kr diya hai to unhone kaha tha ki mujhe tere Fb chalane se prob. Ni hai.. bas in sab faltu baton se door rah..bach k rah..or kuch nahi).. maine naya id create kiya.. apne frnds jo real lyf se related the unko add kiya.. lakin wo maza ni tha ab Fb pe.. jo pahle aata tha… ab boring sa lagta tha Fb use karna.. khair.. age badhti hu.. to frnds Bhagwan g ne meri duyaein suni or Dj ka chehra la kr mere saamne rakkh diya.. Asli wala.. g haan asli wala chehra.. ab asli wale se kya mtlb..? wo b batati hu.. actually naya Fb use karne k kuch din baad hi kaise b karke mujhe ye pata chal gya ki Dj ka ek or Fb I’d hai.. aap sochoge fake wala hoga… arey na g.. wo to asli wala Nikla… hmmm.. meri hi ik student ki I’d mein wo add tha.. or uska real name se wo A/C tha.. hai na hairani ki bat.. wahan par mujhe uski pic dekhne ko mili.. means maine uska chehra dekh liya.. jo main chahti thi.. chehre ke sath sath asli chehra b dekh liya jo maine kabhi chaha hi na tha… mtlb jiski maine kabhi umeed b na ki thi… Isi liye maine kaha tha.. ki bhagwan humari duayein sunte hain…. lakin tarika uska apna hota hai.. kyi bar surprises k sath sath kuch shocks b milte hain.. hai na.. maine uska pic dekha .. or uski ye asliyat saamne aate hi ki ye uska asli profile hai n jis profile se wo mere sath juda tha wo sab FAKE tha…. mujhse raha na gya or maine usey msg kr dala.. ye likh kr ki or kitne naam hain aapke iske ilawa, jo main jaan payi hu aaj tak … msg karne ke baad main uske rply ka wait karne lagi… lakin agle din.. fir usse agle din… pura hafta guzar gya.. lakin koi reply na aya uska… mujhe laga ki shayad thora ghabra gya hoga mera msg milne par.. isi liye ignore kr diya hoga.. so maine wait karna band kr diya.. lakin aprox dedh mahine se jyada time guzr jane k baad uska reply mila.. m shocked.. ! actually Fb mein kya hota hai na frnds.. ki jo log humari frnd list ein add hain unke msgs humein sidhe hi Inbox mein milte hain.. n jo add nahi hain..unke “Other Box” me jiske bare me most of the people nahi jaante hote.. ya fir ignore kr dete hain.. shayad Dj k sath b aisa hi kuch hua,… isi liye usne der se reply diya.. to usne apne reply mein puri koshish ki mere saamne anjaan banne ki.. or meri baton ko nonsence tak bol dala.. mujhe bada gussa aya.. mene b aise hi reply diya.. meri didi ne mere inbox mein uske msgs check kr dale …
or didi boli ki tu aise batmiz bande se baat kr hi kyu rahi hai.. mujhe laga didi sahi kh rhi hai. Mene uske next msg ka reply hi nahi diya… lakin frnds kuch batein khatam hone ka naam hi nahi leti.. us baat k baad Dj ne apni fake asli wali I’d se na jane kitni bar ujhe Addfrnd ki req. bheji… maine to ye baat pahli I’d band karne k baad hi thaan li thi k ab usse dubara frnd ni banaungi kabhi b.. usi ki wajah se te pahli wali I’d chhori thi.. to maine har bar uski req. refused kr d.. n frnds pure dedh sal baad means may-june’2013 mein usne firse msg karna shuru kr diya j bol k ki o wahi jo main sochti hu.. is bar to mere gusse ne haden par kr d… maine gusse mein bahut kuch bola usey… lakin frnds usne j samjhne ki wajaye ki mere gusse ki wjah kya hai..ulta mere baton ka reply khud b betuke lahze me deta.. ab mujhe uske asli character se nafrat hone lagi.. lakin Dj se nafrat na kr payi.. akhir karti b kaise.. meri bhaawnaye uske usi fake roop se hi to judi hui thi.. mere liye to us wqt wohi asli tha.. maine firse usse baat karna band kr diya.. jan 2014 se usne firse mujhe msg kiya.. mera behave firse wahi.. gusse k sath.. j sab june 2014 tak chala.. lagataar nahi.. bas kabhi kabaar jab b usk msg aata.. june-2014 k baad uski or se last msg aaya ..mene koi reply ni diya.. aajtak… waise 2013 k chalte-chalte main Dj ke sath apni feelings ko b bhulane lagi thi.. or aaj main yah kah sakti hu ki main un feelings ko apne aap se bahut door kr chuki hu… shayad iski wajah uska asli roop jo usne muje aaj tak dikhaya hai.. wohi raha hoga.. wo kya hai na frnds bhawnayein ek Paude (Plant) ki tarah hoti hain.. jinhe Pyar ka pani milta rahe to zinda warna.. sukha Pauda kis kaam ka.. hai na… maine jo Dj se sunna chaha wo to usne shayad kabhi samjha b na hoga.. or jo wo bolta gya.. usne meri sari feelings ko dafan kr diya … to main kya sunna chahti thi usse…? aap sochoge shayad yahi ki wo mujhse waisi hi feelings ka izhaar karta jaisi maine paal rakkhi thi uske liya…. Hmmmm kuchh had tak sahi hai ye baat.. lakin puri tarah se nahi.. kyunki agar wo aisa sab bol deta to shayad main inkaar kr deti.. par maine jo usse umeed laga rakkhi thi wo ye thi ki jab mere saamne uska asli chehra saamne aa hi chukka tha tab usne jhooth kyu bola.. n maanne se inkaar kyu kiya.. agar inkaar kr hi chukka tha.. to fir itna time guzr jane k bad kabool kr kya sabit karna chahta tha…
Kyi baar sochti hu meri ye story adhuri hai.. shayad is liye ki mere or Dj k beech mein jo ye Feelings wala rishta tha ..usey hum dono hi ek dusre k sath baant hi na sake… na usne koshish ki jaanne ki or na maine himmt ki usey batane ki…maine himmt is liye na ki b’coz mujhe itni baat to samjh mein aa chuki thi ki ye banda iske layak hai hi nahi k iske liye apne valuable imotions n feelings barbaad ki jayein.. to maine un feelings ko apne tak seemat rakhna hi uchit samjha… aaj jab Dj ki asliyat k bare mein sochti hu to apne aap par sharminda b hoti hu ki sochti hu ki agar didi us waqt mujhe na rokti to … lakin aisa hua nahi… Bhagwaan ne mujhe bahut hi pyara gift diya hai mujhe meri didi k roop mein… maine aisa krke kitna sahi kiya or kitna galat.. batana zarur frnds…
Internet k sath to aaj b main judi hui hu.. shayad aane wale samay mein b judi rahu … bahut sare logon se milna hua hai iske zariye.. bahut sare dost mile hain isi Iternet ki wajah se.. to main ise galat nahi kahungi… or ek baat main aap sabko kahna chahungi ki Payaar ki Jagah nahi Pyaar ki Wajah dekho.. mtlb ye ki Pyaar kis jagah pe hua hai internet pe ya fir real lyf mein ye mat dekho.. Pyaar hone ki jo wajah hai bas usey dekhiye.. baki aaapke suggesions n batein dono hi Keemti hain mere liye..
Post a Comment